هذه بلاد لم تعد بلادى

المقال ده مش انا اللى كاتبه

ده كاتبه واحد اعرفه ، بعتبره احد اصدقائي مع انه اكبر من بـ 3 سنوات

صاحب المقال اسمه فيكتور ابراهيم ، معيد بقسم كمبيوتر هندسة اسكندرية ، كان مصاب فى انفجار كنيسة القديسين باسكندرية 1-1-2011

فيكتور كان واخد كذا شاظية بس اصعب مكان كان مصاب فيه هى رجليه

انا هسيبكم مع المقال اللى كتبه و هسيبلكم فى الاخر لينك النوت بتاعته على الفيسبوك بس مش عارف هتفتح معاكم ولا لأ عشان معرفش هو عامل الخصوصية ايه

كتبها فيكتور إبراهيم فهمى 13-8-2011

12-8-2011 

الرابعة مساءا بتوقيت الاسكندرية منشأى و مدينتى المفضلة التى اهواها . فى شقة فى مدينة 6 أكتوبر توجهت انا و اخى أبراهام إبراهيم فهمى لقضاء نصف ساعة فى بحر شاطىء النخيل طمعا فى شىء من الاسترخاء للتغلب على عناء العمل المستمر.. 

توجهنا لا نحمل معنا اى من وسائل الرفاهية او اى من وسائل الاتصال حفاة لاننا نقصد فقط إلا ان نعوم قليلا لنعود و نرجع الاسكندرية لاستكمال حياتنا الطبيعية

المعروف ان شاطىء النخيل من الشواطىء السكندرية الخطيرة لذلك فهو به حواجز امواج لتهدئة خطورة الامواج. 

المعروف أيضا ان من ينزل الماء فى شواطىء الاسكندرية قبل ساعة الافطار هم فقط من المسيحيين.

نزلنا الماء و وقفنا وراء حاجز الامواج فى منطقة امنة جداااا الماء لم تتعدى ارتفاع المتر و الامواج لا تصلنا لان الحاجز يمنعها.غواصوا الشاطىء صفروا لنا لنخرج و لا ارى سبب لذلك سوى ان رمضان كريم و عاوزين يروحوا بدرى علشان الافطار. اشارنا لهم اننا بأمان و سنخرج خلال خمس دقائق. 

الاكشن جاى!!!! 

نزل لنا واحد منهم (ملحوظة بس على الماشى هو واحد غواص من بتوع كمال الاجسام الناس اللى ملهاش اخر دى )و معه عصا شمسية ليخرجنا فأشار لنا بالخروج فبدأنا بالخروج. و بدأ يتحدث باسلوب غير لائق و لا اظن انه عمل ذلك إلا لان يجعلنا نعترض عليه. فقلنا له و نحن نخرج الاسلوب صعب. فإذا به يفاجنا انه يجمل فى يديه الاخرى مطواه و بدأ يتعصب و يسب و يلوح بالمطواة يلا برا يا ولاد دين ال... و  وصله من الشتائم المستمرة . انا و اخى لا نفهم ما يحدث و مستمرون بالخروج و ورائنا ثور هائج بدأ يلوح بالمطواة و يضرب بعصا الشمسية يمينا و يسارا و اللى يصيب يصيب مش مشكلة و نحن نخرج و نصيح فيها إهدأ إهدأ. اثناء الخروج بدأ معاونيه محاصرتنا من الخارج و معهم عصى شماسى و فصلونا كل على حدا. 6 من البغال البشرية المحملة بالشوم و احدهم معه مطواه و يحاصرونا بالضرب و السباب و تعمد سب الدين و نحن على مشارف الرمال. كل هذا امام معيد فى كلية الهندسة جامعة الاسكندرية  مصاب فى حادث تفجير  فى بلد يحبها و لو حدث هذا لاى شخص لكره المكان و ما فيه. و معه اخيه مهندس ميكانيكا فى شركة بترول . تخيل الموقف و احكم. بدأنا فى الهرولة و نحن نصد دربات الشوم من كل جانب نُسب و نُلعن و لا نمتلك سوى ان نصيح اهدأوا و لا نفهم ماذا يحدث.!!!! زاد الضرب اشد لدرجة ان احدهم كسر عصا شمسية على رجلى المصابة فى الحادث مكان العملية السابقة. عصا الشمسية دى حاجة كدة قطرها 5 سم من الخشب المتين. احدثت ورم 5*5*5 سم3 مكان اصابه سابقة. و اشار لنا حامل المطواة هعد لحد 3 لو انت لسه على الرمال هغز المطواة فى .... مش هخليكم تعرفوا تقعودا تانى زى النسوان. و نحن لا نعرف حتى ان نأخد التيشرتات لنرحل. 

انتهى فاصل الاكشن. 

فاصل الروتين.

قابلنا ريسهم يحاول تهدأتنا لينهى الامر. فتركناه و ذهبنا و معنا واحد شاهد يدعى انه من الجيش. ذهبنا لجمعية شاطىء النخيل. و وجدنا رئيسها او رئيس الامن و يدعى عادل حسب ما بيقولوا لواء جيش !!!. واقف خارجا يشاهد احد محلات الطعام فى المدينة يٌكسر و يٌدمر من العرب .. ألا يكون هذا لان لديهم زبون يٌجهر بإفطار رمضان !!!! . نحكى له القصة يقولنا عدوا عليا بكرة نجيبلكم رئيس الغواصين و نقعد و نشوف انتم عاوزين ايه . نقوله طب جيبه دلوقتى يقولك رمضان كريم يا بيه .  الراجل روح و هيجى بكرة و يقولك لو مش عاجبك عندك النقطة هنا مفيهاش حد اصلا!!!! و بعدين هو فى حد فى البلد بيحميها دلوقتى !!!!.. 

سبناه و وصلنا لمدير شركة الغواصين ده بالتليفون. بعتلنا رئيس الغواصين علشان يعقد جلسة صلح عرفيه !!!! كنا فى هذا الوقت قد طلبنا اصحابنا و وصلوا لنا بمتعلقاتنا. ذهبنا معهم لنحفظ اشكالهم لنبلغها فى المحضر. بعد الجلسة على الساعة السادسة ذهبنا لمقر مستشفى المبرة بأكتوبر . قلنا لهم عاوزين نعمل تقرير طبى بالاصابات. قالولنا استنوا حبه . فوجتنا عندهم فى الطوارىء بحالة غريق به النفس و لا احد يسعفه لا مفيش حد اصلا رمضان كريم . تركوا حتى مات دون اهتمام و كل ما يهمهم ان الساعة 6:30 و الافطار بعد ربع ساعة. رمضان كريم !!!!  مات مينا لان رمضان فهمه الناس غلط لان المصريون هم فعلا قديسون و لكن عواهر.

http://www.facebook.com/note.php?note_id=375141077771

اثناء الافطار قابلتنا الممرضة و قالت لنا انتم عاوزين تعملوا اثبات حالة ليه فى حد ضربكم سامحوهم رمضان كريم. ذهبنا لنقطة الشرطة العسكرية مفيهاش غير 2 عساكر غلابة بيفطروا مش عارفين أى حاجة و لا فاهمين المفروض نعمل ايه.. بعد ما قطعنا الاسكندرية ذهابا و ايابا وصلنا اننا يجب ان نذهب لقسم شرطة العامرية .. قبل وصول القسم اتصل بنا مدير شركة الغواصين و اخبرنا ان الشاهد بتعنا معاه دلوقتى و اننا و الله لو رحنا القسم حتما سنٌدان !!!!! يعنى نٌضرب و ندان. و يقولنا لو عاوزين نجيبلهم بلطجية يضربوهم نعمل كده و لو مش عاجبك خلى القسم ينفعك.

وصلنا القسم 10:00 و دخلنا لضابط المباحث رجل محترم جداااا و احترمنا اكثر حينما عرف اننا مهندسين. و بعتنا لحد فى الجمعية نروحلوا تانى يوم و قالنا لو عايزين تعملوا محضر اعملكم !!!! على اساس ان حل المحضر ده الحل الغلط يعنى.قلنا له عاوزين نعمل محضر . قالنا اطلعوا على الضابط النبطشى شاب ملازم اول محترم قالنا انتم هتروحوا على نقطة مستشفى العامرية و قلولهم مؤمن باشا بيقولكم خلصوا الموضوع... 

روحنا النقطة و بعدين كل ما بتنزل بالمستوى الاحترام بيقل و الروتين و البطىء بيزييييييييييييد طحن.

ساعة علشان نأخد تصريح نعمل بيه تقرير طبى. و فى النقطة الكابتن اللى كتب المحضر عارف الناس دى اصلا و غالبا مظبطينه ... لوول .. تأخير و روتين عادى من ناس كل مشكلتهم انت بتعمل كده و بتعطل شغلنا و انت سليم الحمد لله و متسرقش منك حاجة !!!!!! 

عملنا المحضر و هنتابعه لحد ما نسيب البلد دى ... و هفضل اطالب بحقى انى اعيش و هفضل اصلح فيها لحد ما اسيبها ...

لقد كنت اتحدث مع اخى فى ال 5 دقائق التى قضينها فى البحر عن كل الاسباب الضعيفة التى نذكرها لنعيش و نكمل فى مصر و لكن حقاااا حقاااا هذه اسباب واهية ...

المسيحيون مضطهدون و الغالبية العظمى تنظر لهم على انهم كفار و ان قتلهم و مالهم حلال ... محدش يقولى دول مش مسلمين لا دول مسلمين و لو هم فاهمين الدين غلط و دول الاغلبية يبقى ده عيب الاقلية اللى فاهمه صح انها سايبهم كده ...

احنا اضربنا و اتشتمنا بغل علشان احنا نازلين البحر فى حالنا فى نهار رمضان ... كل سنة و انتم طيبين.

الجيش دى هيئة وسخة ماسكة البلد ... سايبة البلطجية يقطعوا فى الناس لحد ما الشعب يخلص ... البلد دى لا تٌقدر سوى السلطة ... العلم مش هو اللى له قيمة فى البلد ... انا مش حاجة مهمة فى  البلد و لا عاوز ابقى خلاص ... انا خسارة فى بلد بتموتى ... انا هستثمر علمى فى بلاد تقدرنى .... قد اخسر كثير لترك هذه البلد و لكنى لن اضحى بحياتى فى سبيل لا شىء

وداعا يا بلد العواهر المتشكلين بشكل قديسون.

لها بقية.....

رقم المحضر

الاصابة فى الركبة المصابة بعد وقوع الحادث ب 9 ساعات اى ان الورم قل بنسبة 75%

الاصابة من زاوية اخرى و مزيد من الاصابات

و ده لينك النوت

مصر الثورة

الى اين تتجه مصر بعد الثورة ؟؟

اهم حاجة قبل مانبتدى الموضوع ، لازم نتأكد من ان مصر بعد الحكم الملكى بقت دولة عسكرية ، ماعلينا

الحركة السياسية قبل ثورة 23 يوليو اللى كانت موجودة ايام الملك كانت الاخوان و الوفد ، لكن اللى نقدر نقول ان اقدم حركة سياسية مستمرة و موقفتش فى منتصف مشوارها هى جماعة الاخوان المسلمين-بسجلهم الدموى العنيف ايام حكم الملك فاروق-رغم انها المفروض جماعة دينية ، بس احنا عارفين طبعا ان رجال الدين فى مصر مسموحلهم بالسياسية و الاقتصاد و كل حاجة فالبلد !!

بعد ثورة 23 يوليو الى الان تولى حكم مصر رجال من القوات المسلحة ، محمد فريد ، عبد الناصر ، انور السادات ، حسنى مبارك ، و الطريف ان مفيش ولا واحد فيهم ساب الحكم بمزاجه او سابه بطريقة مشرفة

تقريبا من الالفية الجديدة ابتدى مبارك يخرف شوية ، و ساب مصالح البلد الداخلية لابنه جمال تمهيدا لتوليه الرئاسة-زى بشار الاسد تماما- و تم تاليف مواد دستورية تناسبه تماما ، و بدأ علاء و جمال مبارك بالدخول بقوة فى عالم البزنس لجنى مليارات الدولارات ، فكان من الطبيعى وصول حكومة رجال الاعمال فى 2005 و ان يكون رجل الاتصالات احمد نظيف رئيسا لها ، و لو كان يعلم ان الانترنت و التكنولوجيا سوفا يكونا سبب عذابهم مكنش دخلهم مصر خالص :)

حكومة رجال الاعمال دى ساءت فيها جدا و بطريقة فوق المبالغة و علنا قدام الشعب ،و كمان بعد ما حبيب العدلى اصبح ذراع جمال مبارك فى الانتخابات ، ساءت الشرطة جدا و زادت بشكل ملحوظ حالات التعذيب و القتل بسبب التعذيب و الاعتقال للنشطاء السياسيين بل وصولهم ايضا الى الشبكة العنكبوتية بأنشاء الحزب الوطنى المنحل اللجنة الاكترونية..

فى تلك الاوقات كانت الجماعات الاسلامية فى مصر هى اقوى المعارضة الفعلية ، و كانت القوة الوحيدة التى يخافها مبارك لأن لها تأثيرها على الشعب ، بالاضافة لأنها قتلت الرئيس السادات
فى انتخابات 2005 حصل ايمن نور على المركز الثانى فى انتخابات الرئاسة و ايضا فاز على مبارك فى مدينة الاسكندرية وحدها رغم ان الانتخابات مزورة !! و كان عقابة هو السجن بتهمة التزوير ، و يعتبر ايمن نور من اول المعارضين الحقيقيين لنظام مبارك بعد الاسلاميين

و مع زيادة الاوضاع الامنية و الاقتصادية سوءا . ظهرت مجموعة من الشباب الوطنى جدا ، غير ساعى نحو اى سلطة ، كل امله ان يري وطنه حرا ، و قام هؤلاء الشباب بمظاهرات احتجاجية قوبلت بالعنف من الشرطة يوم 8 أبريل 2008 فى المحلة ، هذه الحركة التى يتم تخوينها من المجلس العسكرى و الفلول و حزب الكنبة و الاسلاميين

ثم تلاها الجمعية الوطنية للتغيير عام 2009 ، و طبعا نال الدكتور البرادعى كم هائل من التخوين على ايدى النظام السابق ، و الاسلاميين حاليا ، ثم بدأ الشباب بالاهتمام اكثر بالحياة السياسية خصوصا مع ظهور مواقع مثل الفيس بوك و تويتر

ثم بدأت اول اشكال المظاهرات الاحتجاجية السلمية بمقتل الشاب خالد سعيد بالاسكندرية ، ثم قامت احتجاجات قوية فى تونس اجبرت الجيش على طرد بن على خارج البلاد بعد اوامره بضرب المتظاهرين بالرصاص الحى و من هنا بدأت ثورة 25 يناير ، و اصبح الشباب المصري الهائج يري فى بن على نفس الذى يراه فى مبارك

و بالفعل قامت الثورة ، و للاسف جلست بعد تنحى مبارك عن الحكم و تسليمه للمجلس العسكري ، و من هنا ندرك مدى جهل الثوار و المصريين بالحياة السياسية ، هل يعقل ان يكون المجلس العسكري ليس ذراع مبارك اليمنى ؟؟ هل يعقل ان يترك مبارك اقوى مؤسسة فى الدولة دون ان تكون لها امتيازاتها الخاصة ؟؟ لقد شرب الشعب المغفل المقلب

سعد الشعب بالكام قرار اياهم بتوع النائب العام ، و لما القلة المندسة ادركت بعد فوات الاوان ان الجيش دراع مبارك ، كان عندهم امل فى النائب العام و النيابة العامة !!! معروف ان القضاء المصري مرتشى و يبقوا اغبياء جدا لو افتكروا ان مبارك ممكن يسيب حد شريف فى منصب مهم فى البلد

غلطان و غبي جدا اللى يقول ان الثورة دى شعبية !! شعبية ايه بس اللى ينزل فيها اقل من 2 مليون مواطن ؟؟ بلاش نضحك على بعض
شريحة من المجتمع المصري هى من وقفت ضد مبارك ، و استنجدوا بالجيش ، بعد كده الشريحة قلت لما وقفوا ضد الجيش بعد انسحاب الاسلاميين ، و بعد كده الشريحة قلت اكتر لما هتفوا ضد النائب العام بعد ما أكتشفوا انه تبع باقى العصابة

الناس اللى ضد الثورة دى مش شرط يكونوا غير وطنيين ، اكيد فى منهم ناس عارفة اننا شعب جاهل و متخلف سياسيا و مينفعش يتطبق معاه الديمقراطية الحقيقية ، احنا مش نمشى ديكتاتور عشان نجيب ديكتاتور اسوأ ، و عموما المؤسسة العسكرية مش مستنية ييجى الدور عليها

الجيش عمره ما هيتخلى عن تلك الامتيازات اللى اكتسبها من اول ثورة يوليو لغاية دلوقتى ، خصوصا الاقتصادية منها ، الجيش المصري، الذي يعد بأكثر من 450 ألف جندي، يمتلك مزارع خاصة ومصانع في مختلف القطاعات الاقتصادية على غرار النسيج والملابس وقطاع التغذية وقطاع صنع السيارات و شركات مختلفة تعمل في قطاع الخدمات والبنية التحتية. و كمان هذه المؤسسات الاقتصادية تخضع لإدارة عسكرية ويعمل بها عدد كبير من المجندين ، الجيش المصري في الحياة الاقتصادية منذ اتفاقية كامب ديفيد للسلام مع إسرائيل عام 1979، وهويسيطر على نسبة تترواح بين 15 و20 بالمائة من الاقتصاد المصري، و له حصص متفاوتة في عدد من القطاعات الاقتصادية المختلفة
كما ان هذه المؤسسة ، لاتخضع ميزانيتها لأى مراقبة برلمانية

 الجيش لن يترك السلطة ابدا ، و لكن يطاردانه شبحان ، اصحاب الدولة المدنية بطوائفها و اصحاب الدولة الدينية باختلاف انشطتهم ، فهو يزرع الكراهية من كل جانب فى الاخر و يشاهد هو فى المنتصف


التأييد الذى يؤيده الاسلاميين للمجلس العسكى به كثير من الشك و الريبة ، انا لا اقصد الاسلاميين بل اقصد شيوخهم ، شيوخ الاسلاميين هم مجموعة من المرتزقة الذين يجمعون مئات الالاف من اعلانات القنوات الفضائية مثل الرحمة و اعلانات اخرى ، على سبيل المثل اعلانات رانى :) و غيرها
هم يعتمدون على الشريحة الاكبر فى المصريين ، الجهلاء و المتخلفون سياسيا ، يزرعون فى رؤوسهم بعض الافكار مثل ان اللليبراليين و العلمانيين و اصحاب الدولة المدنية هم يريدون محو الاديان عامة و الاسلام خاصة (و كأن الاسلام ينهى عن الزنا و الدعارة و السرقة و القتل و باقى الاديان تحللها ) و انهم يريدون محو الدين من البلاد و نشر الفسق و الفجور و الكثير من الكلام الذى يأتى من خيال مريض


فالاسلاميين يؤيدون المجلس العسكري لأنهم يعتقدون انه يرسي قواعد الديمقراطية السليمة فى مصر ،و حلمهم للوصول عن طريقها للدولة الدينية :) و قد زرع فى دماغهم هذا نتيجة الاستفتاء 


الاستفتاء على المواد الدستورية هو حل عبقري ، فبه اخاف الجيش اصحاب الدولة المدنية من تأثير الشيوخ على جهلاء مصر و به ازدادت ثقة الاسلاميين بالجيش ، و قد اصبح الاسلاميين + حزب الكنبة + الفلول فى صف الجيش ضد القلة المندسة


و بالنسبة لشيوخ الاسلاميين ، فهم ليسوا جهلاء مثل الذين يستمعون اليهم ، لا يوجد ادنى شك ان هناك صفقة من تحت الترابيزة بينهم و بين الجيش مقابل زرع الحب للمجلس العسكرى ، و لكن مستبعد تماما تسليم السلطة لهم ، لو تعلموا اى احد بالجيش اسألوه عن كيفية معاملة الجيش للاسلاميين تجدونهم يضطهدونهم و يخافون من بطش قوتهم


و لكن ماهى طبيعة الصفقة ؟؟ هذا ماليس له اجابة


الايام تمر بسرعة ، و نحن نترقب تصرف المجلس العسكري فى الانتخابات القادمة ، البرلمانية و الرئاسية ، و سنري ماذا سيفعل حتى لاتضيع السلطة منه

!! الكفار اولا

طبعا اى واحد قرا العنوان ، افتكرنى بتكلم عن-لمؤاخذة يعنى-الاخوة الاقباط

فهم القلة الكافرة فى المجتمع ، عشان كده نقعد طول اليوم نهاتى ، حقوق الاقباط ، حقوق الاقليات ، الاقباط مواطنين مصريين و جزء من نسيج هذه الأمة ، و الكلام الخايب ده

و احلى حاجة انه فى مصرنا العزيزة ، الكافر بيبقى مواطن درجة تانية ، يعنى على سبيل المثال ، لو اتحكم عليه ظلم ، نقول حلال !! أحسن !! عارفين ليه ؟؟ عشان مصر بلد الـ 80 مليون اله !!!!!! أيوة ، احنا بلد الـ 80 مليون ربنا

كل واحد فينا بيفتى ان دول هيخشوا الجنة و دول لأ ، و ده عمل كذا يبقة يستاهل ، و ده معملش يبقى ميستهلش ، و هكذا

فاضلنا ان الناس تسجدلنا بس

نرجع تانى لاخواتنا الاقباط الاقليات الكام فى المية فى البلد دى ، فالاخوة السلفيين شايفين ان الاقباط فى مصر لا يتعدوا 3% !!! و عندى واحد صاحبي مسيحى و غبي و متعصب أوى ، بيقول الاقباط نسبتهم 20-25 % !! جتكم نيلة عليكم كلكم

هؤلاء الحثالة فاكرين ان كل ماعدد الاقباط يزيد و كانه يقلل من شأن الاسلام مثلا !! غباء بلا حدود من شعب متأخر فكريا و ثقافيا و حضاريا و متدين ظاهريا

برضه انا لسه متكلمتش على اللى عايز اتكلم عليهم

من الاخر عشان ننجز ، أنا بتكلم على حقوق كل ماهو ليس مسلم و لا مسيحى فى البلد دى....أيوة ، فين حقوق البهائيين ؟؟ فين حقوق الملحدين ؟؟ على سبيل المثال و ليس الحصر

ان كان الاخوة الاقباط مضطهدين من المسلمين ، فهناك الاخرين الذيت يتم اضطهادهم من المسلمين و المسيحيين معا !!

 البهائيين الذين تم حرق بيوتهم و منازلهم و ترحيلهم من سوهاج على مرأى و مسمع من رجال الشرطة

فين حقوق الملحدين ؟؟ لما المدون مايكل نبيل اتحكم عليه بالسجن من محاكمة العسكرية عشان انتقد الجيش ، الاوساخ الاقباط لقيتهم بيقولوا (احسن يستاهل عشان ملحد) قبل المسلمين حتى !! لأ بقى ، ده يبقى حلال و مليون حلال الاضطهاد اللى انتوا فيه

كل ده عشان ملحد ؟؟ يعنى لو واحد مش مؤمن بربنا يبقى حلال فيه الظلم ؟؟ هو ده عدل ربنا ؟؟ هى دى الرحمة؟؟

انتم الكفار الحقيقيون ، انتم حثالة المجتمع يا همج متخلفون ، و تذكروا انكم من دول العالم الثالث بسبب تخلفكم و تعصبكم ده ، مسلمين و مسيحيين

من الاخر و من غير ضحك على بعض ، كونك مسلم فأنت بتؤمن ان محدش هيخش الجنة غير المسلمين ، و نفس الامر للمسيحيين و اليهود ، و اللى يقول غير كده يبقى يا بيستعبط يا بيستهبل

لازم احنا كمصريين نؤمن بأن الكافر ، سواء كافر نص نص زى الاقباط او كافر تماما زى الملحدين ، له حقوق فى البلد دى زيه زيك و اكتر

لازم نتعود تقبل سياسة تقبل الكافر

مش عشان كافر اعامله وحش

او احسسه انه مواطن فرز تانى

كونه يؤمن بربنا او لأ ، بيؤمن بانهو ديانه ، ده مش شغل أمك

دى حاجة بين البنى ادم و بين ربنا

ملكوش دعوة بيها

سيبوا الناس فى حالها ابوس ايديكوا

منقلش ده غنى ولا لأ

ده كافر ولا لأ

احنا مش ربنا عشان نحاسب الناس كفرة ولا لأ

سيبتوا ايه لربنا ؟؟ الهى تتحرقوا دنيا و أخرة

ارحموا الناس فى دنيتكم يرحمكم الرب فى اخرتكم ، كفاكم افتراء على الناس

و احب افكركم ، ان الملايين يموتون مؤمنين ظاهريا و ملحدين داخليا

و تصبحوا على فتنة

الى نجيب ساويرس ، نفختنى يا جدع

المقال ده قد يحتوى على بعض الالفاظ القبيحة

لو اقل من 18 سنة او شاب فرفور مبيحبش يسمع الفاظ مش كويسة من فضلك متكملش المقال

الى المهندس نجيب ساويرس.....حرام عليك اللى بتعمله فينا ده

الراجل ده مفيش حاجة مودياه لورا غير حب الشهرة و الظهور ده ، ده اساسا رجل مريض ، هو عارف ان مفيش بنى ادم فى مصر مبيتكلمش عليه ، بس تقريبا ميعرفش ان كل الكلام ده عبارة عن شتائم و اهانات

اولا ايه اللى دخل بنى ادم زى ده الحياة السياسية؟؟ ده حمار سياسية ،و مبيعرفش يتكلم ، و نيلة خالص

انا عن نفسي منساش انه قال بعد خطاب مبارك بتاع انه مش هيترشح تانى،نسيبه لحد سبتمبر ، و لو ممشيش ميدان التحرير موجود

!!!!

بأنشائه حزب سياسي كره الناس فيه بجد ، الشعب كله واخد فكرة ان الحزب ده اتعمل عشان يحقق مطالب الاغبياء الاعباط بتوع المطالب الوسخة اياها (تقسيم مصر،الحماية الدولية،الغاء المادة التانية من الدستور،وحاجات وسخة تانية كتير)ء

و كمان ميعرفش سعادته انه مواطن درجة تانية لأنه راجل نصرانى...أزاى يعمل حزب؟؟

و طبعا الاقباط ولاد الهبلة كلهم زى الجاموسة فى نفس واحد (احنا هندخل حزب ساويرس)....طب الحزب اسمه ايه؟؟ معرفش...مبادئه ايه؟؟ معرفش...طب هتدخله و تعمل ايه؟؟ مش هعمل حاجة طبعا...حمرا

يا جدعان دى مش كنيسة ده حزب سياسي ملهوش دعوة بالمطالب الوسخة بتاعتكوا دى

و كمان حركات ساويرس الصبيانية زى صورة ميكى و مينى باللحية و النقاب ، رغم ان المفروض اللى عمل الصورة مجلة سعودية ردا على خبر افتتاح مدينة ديزنى بالسعودية ، و لكنها اخذت على انها تسئ بللدين الاسلامى ، و لما عملى فيها صايع عصره و ~أوانه لما طلع و قال انه هيطلع دين اللى هيضطهده.....

من المعروف ان الصيع و بلطجية الشوارع لما بيسبوا الدين لبعض مش بيبصوا لديانة التانى،بالعكس ده اللى بيسبوا الدين لدين بعض اكتر بكتير ، كان فى مرة عركة تحت البيت و نزل واحد مسيحى صايع سب الدين لكل المسلمين اللى بيتعاركوا ، محدش قاله انت مسيحى بتهين الاسلام ، لكن لما ساويرس قال كده ، واحد زميلى قالى ساويرس يسب دين الاسلام !!!!

سعادته مش متخيل ان لما يطلع اى بنى ادم مسيحى يطلب اى حاجة الاخوة المتعصبين يقولوا ان ده مطلب شعبى للاقباط

سعادته مش متخيل ان عدد المتعصبين المسيحيين فى عدد المسلمين المتعصبين كنسبة و تناسب

سعادته مش متخيل انه لما المتعصبين لما يشوفوا واحد مسيحى دمهم بيغلى قد ايه عشان بيفتكروا المطالب الوسخة اياها

و الشعب المصري كله بلا استثناء بيحقد عالاغنياء حقد بلا حدود و كراهية للمنتهى

سعادتك بقى بتجمع بين كل ده...مسيحى+من اغنياء مصر+تصريحاتك مستفزة+اعلانك تبنى تيار مضاد للاسلاميين

مبروك على كل الاقباط الاعباط بنى ادم حمــــار زيك ، مع اعتذاري ليك لأانك راجل قد ابويا